ССБ сарапшылары Шымкентте семинар өткізді

Іс-шараның негізгі мақсаты – алдағы Лига турнирлеріне қатысатын командаларды жаттықтыратын мамандармен танысу және оларға ССБ-ның даму тұжырымдамасын таныстыру болды.

Бапкерлер FF Manager цифрлық платформасының функционалымен, сондай-ақ оған интеграцияланған «ақылды» камералар жүйесімен танысты. Аталған технологияларды Лига өткен жылы Freedom Telecom және BigBro сервисімен бірлесіп енгізуді бастаған болатын.

Семинар барысында «Болашақ ойыншысы» және «Болашақ бапкері» жобалары да таныстырылды. Сонымен қатар қатысушылар заманауи футболшы қандай қасиеттерге ие болуы керектігін талқылады.

«Жалпы алғанда, бапкерлердің алдағы маусымға деген көңіл-күйі оң. Барлығы жарыстың басталуын асыға күтуде», – деп қорытындылады Бауыржан Сағындық.

22 ақпанда Шымкентте 2010 жылы туған және одан кіші жасөспірімдер командалары арасында «Арман» республикалық турнирі басталды. Турнир 3 наурызға дейін жалғасады.