Freedom QJ League Қазақстандағы кәсіби футбол клубтарының жастар командалары арасында элиталық деңгейдегі жарыстарды өткізеді. QJ League жеңімпазы УЕФА жастар лигасында Қазақстан атынан қатысу құқығына ие болады.

Чемпионаттың алғашқы маусымына 2006 жылы туған (U-18 жас санаты) аяқ допшылардан құралған еліміздің ең мықты деген 12 командасы қатысып, өзара кім мықтыны анықтаған болатын.

2024 жылы лигада еліміздің 18 өңірін өкілдік еткен 2007 жылы туғандар (U-18 жас санаты) және 2008 жылы туғандар (U-17 жас санаты) арасындағы екі жас санатында 32 команда өнер көрсетті.

2025 жылы QJ League-да екі лигада үш жас санаты бойынша 20 клубтың жасөспірімдер командалары бақ сынауда. Сондай-ақ қыздар лигасы іске қосылды.

Freedom QJ League ойындары апталық циклде өтеді. Ол дегеніміз қатысушы командалар өз алаңында және сырт алаңда матч өткізіп, екі айналымнан тұратын жарыстың куәсі атанады.

Жарысты ұйымдастыруға және өткізуге арналған барлық негізгі шығындар, соның ішінде сырт алаңда матч өткізу үшін командалардың жол жүру шығынын, тамақтануын және жатын орнын қаржыландыру, төрешілер мен инспекцияларға ақы төлеу, сондай-ақ QJ League маркетингтік сүйемелдеуі жобаның бас серіктесі – Freedom Holding Corp компаниясының қаражаты есебінен жүзеге асырылатын болады.