Лига өкілдерінің Павлодарға сапары

Лиганың жарыстарды ұйымдастыру және өткізу бағытының жетекшісі Қуандық Ермекбаев пен медиа-маркетинг үйлестірушісі Асанали Әшімов «Ертіс» клубының басшылығымен кездесті. Сонымен қатар, олар жергілікті «Жұлдыз» стадионында болып, нысанның Лига мен КФФ лицензиялау талаптарына сәйкестігіне тексеріс жүргізді.

Тараптар алдағы футбол маусымына дайындық және жылдық жоспарлар жөнінде нәтижелі пікір алмасты.

Өткен маусымда «Ертіс» Freedom QJ League аясындағы төрт жарысқа қатысты. Команда флагмандық жасөспірімдер турнирінде 5-орын, U-17 және U-16 біріншіліктерінде сәйкесінше 6 және 5-орын иеленді. Сонымен қатар павлодарлық ұжым Лига тарихындағы қыздар арасындағы алғашқы турнирде қола жүлдеге қол жеткізді.