ССБ сарапшылары Шымкентте бапкерлерге арналған семинар өткізді

Оқыту теориялық және практикалық болып екі блокқа бөлінді. Оқу дәрістерінің спикерлері ретінде Евгений Яровенко, Александр Князев, Алексей Щиголев, Медхат Ықсан, Жанна Мальгаждарова, Қанат Мұсатаев, Филипп Богер, Нұрсат Қожамқұлов және Максим Романов сөз сөйледі.

Олар өз баяндамаларында Лига ұсынатын озық цифрлық құралдарды: FF Manager платформасын және Freedom Telecom мен BigBro бірлескен жобасы аясында стадиондарда орнатылған Pixellot «ақылды» камераларын пайдалануға ерекше екпін берді.

Бұдан бөлек, сарапшылар «Болашақ ойыншысы» бағдарламасына және ССБ қызметінің жаңа негізгі бағыты – футболшылардың фитнес-көрсеткіштерін жаппай жинау мен талдау негізінде ойыншылардың модельдік сипаттамаларын қалыптастыру жұмысына айрықша назар аударды.

Өткен аптада Қостанайда «Болашақ ойыншысы» жобасы бойынша өткізілген алғашқы жаттығудың қорытындысы көрнекі әдістемелік материалға айналды.

«Тобыл» U-15 командасының көшбасшысы Артур Гарифуллин САБ ұсынысымен шабуылды аяқтау фазасындағы дағдыларын жеке жоспар бойынша шыңдады. Бұл жаттығу Pixellot камерасына жазылып, FF Manager көмегімен егжей-тегжейлі талданды.

ССБ сарапшыларының баяндамалары аяқталғаннан кейін, бапкерлер топтарға бөлініп, ұжымдық жұмыс жүргізді – олар микроциклдар мен жаттығу сабақтарын жоспарлап, кейін оны таныстырды.

Келесі күні семинарға қатысушылар алған білімдерін іс жүзінде қолданып, бекіту үшін «БИІК» базасына аттанды.

Семинарға қатысқан бапкерлерге естелік сыйлықтар: FF Manager айдентикасын жасау жұмыстары аясында Brele дизайн-бюросы әзірлеген шектеулі топтамадағы футболкалар табысталды. Жаттығу платформасының брендингі халықаралық Workspace Digital Awards сыйлығында жүлделі орынға ие болған еді.