(0).webp)
Freedom QJ League медиа-маркетинг чемпионатының төртінші кезеңінің жеңімпаздары анықталды. Бұл – Лигаға қатысатын футбол орталықтарының коммуникациялық қызметтері арасындағы жарыс.
ММЧ екі бағыттан тұрады: медиа және маркетинг. Қатысушылар контент-жобалар мен матчтарды безендіруден бастап, жанкүйерлермен өзара әрекеттесу, аудиторияның белсенділігі мен өсімін талдауға дейінгі түрлі тапсырмаларды орындағаны үшін ұпай жинайды.
Байқау аясында маусым алты кезеңге бөлінген. Әр кезеңнің қорытындысы бойынша мамандар есеп толтырады, кейін оны Лига қызметкерлері талдайды – әр бағыт бойынша үздік клубтар материалдық сыйақы алады.
Төртінші кезеңнің қорытындысы бойынша медиа бағыттың көшбасшысы «Тобыл» (516) атанды. Екінші орынға «Шахтер» (490), ал үшінші орынға «Оңтүстік» (473) жайғасты.
Маркетинг бағытында бірінші орынды «Ордабасы» (245) иеленді. Сондай-ақ жүлделі үштікке «Тараз» (240) және «Шахтер» (235) енді.
Еске салайық, маусым қорытындысы бойынша үздік медиа-қызмет пен маркетинг бөлімі жыл сайынғы QJL Awards марапаттау рәсімінде арнайы жүлделерге ие болады.
