Freedom Bank Лига футболшыларына 75 миллион теңгеден астам қаражат төледі

Еске сала кетейік, биыл Лига турнирлерінің барлық қатысушысы эксклюзивті футбол дизайнындағы Freedom Bank картасын ашуға мүмкіндік алды: Student Card (14 пен 17 жас аралығындағы ойыншыларға арналған) және SuperCard (18 жасқа толғандарға арналған).

Лига матчтарында алаңда өткізген әр минуты үшін осы карталардың иелері жағымды бонус – Freedom инвестициялық валютасында 75 теңге алады. Оны кәдімгі ақша сияқты сатып алуға, аударым жасауға, байланыс қызметтерін төлеуге және басқа да мақсаттарға жұмсауға болады.

Қаражат ай сайын есептеледі. Қазіргі таңда төленген жалпы сома 75 877 275 теңгені құрайды.

Ойын уақыты бойынша қазіргі рекордшылар – Ахмет Бақтыбаев («Ақтөбе» U-17), Руслан Джетенов («Тобыл» U-18), Богдан Хромец («Тобыл» U-17), Акбар Саденов («Ақтөбе» U-18) және Нұрасыл Шералы («Ордабасы» U-18). Олардың әрқайсысы 1 710 минуттан ойнады – бұл ақшалай баламада 128 250 теңге.

Сонымен қатар былтырғыдай маусым қорытындысы бойынша «ең құнды ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» номинацияларының жеңімпаздары Freedom Bank-тен Freedom инвестициялық валютасында 200 000 теңгеден алады.

Стильді кобрендингтік Freedom QJ League картасы Freedom Bank-тің кез келген клиентіне қолжетімді – оны қазірдің өзінде ондаған мың қазақстандық ашқан.

Мультивалюталық депозиттік SuperCard картасын цифрлық және физикалық форматта ашуға болады – курьер оны сізге ыңғайлы мекенжайға жеткізеді. Картаны ашу және оған қызмет көрсету тегін, ал қаражатты комиссиясыз толықтыруға болады. Сондай-ақ карта Google Pay, Apple Pay немесе Samsung Pay сервистеріне оңай қосылады.