Дизайнерлер байқауының финалистері: Адлет Баграмов

Негізгі форманың дизайнын әзірлеу кезінде Адлет Баграмов (@adleit) футболға тән динамикалық қозғалыс идеясын негізге алып, оны тік сызықтар арқылы бейнелеген. Екінші форма гүл силуэттерімен және алтын түстес элементтермен безендірілген – бұл футбол эстетикасын білдіреді.

Үшінші нұсқада спортшылардың табандылығы мен жігерін бейнелейтін арыстан бейнеленген. Сонымен қатар, Адлет ұлттық нақыштағы өрнекпен және Қазақстанның әлем картасындағы орнымен толықтырылған концепттер ұсынды. Соңғы ұсынылған нұсқа технологияның, соның ішінде футболдағы дамудың тоқтамайтынын көрсетеді.



Жақын арада Telegram-арнада жанкүйерлер байқаудың үш үздік қатысушысын дауыс беру арқылы анықтайтын болады.

Еске саламыз, бірінші орын иегері 500 мың теңге жүлдеге ие болады. Екінші және үшінші орындар үшін сәйкесінше 300 және 200 мың теңге көлемінде сыйақы қарастырылған.

Сонымен қатар, жеңімпаз өз жұмысы негізінде жасалған мерчтің жарнамалық ролигіне түсетін мүмкіндікке ие болады.

Дизайнерлер байқауының финалистері анықталды!