Freedom QJ League – MARSPO Awards сыйлығының лауреаты!

Лига жастар аудиториясымен жұмыс істейтін ең үздік жоба деп танылды, ал жаттықтырушыларға арналған цифрлық платформа – FF Manager инновациялық технологияларды үздік қолданғаны үшін марапатталды.

Freedom QJ League жобалары келесі номинацияларда екінші орын иеленді: «Маусымның ашылуы мен жабылуын үздік ұйымдастыру» (QJL Awards маусым жабылу салтанаты үшін), «Үздік digital жоба» (FF Manager), сондай-ақ «1 млн рубльге дейінгі бюджеті бар үздік әлеуметтік жоба» (Лиганың қайырымдылық аукционы үшін).

«MARSPO сыйлығында екі жеңіс пен үш екінші орын – бұл жай ғана марапаттар емес. Бұл – біз өткен жолдың және Лиганы дамыту жолында салынған күш-жігердің мойындалуы. Мен біздің командамызбен мақтанамын – олар күн сайын бар ынтасымен жұмыс істейді, өз ісіне сенеді және үнемі үздік нәтижеге ұмтылады.

Freedom QJ League жобасының бүгінгі таңда спорттық индустрияда танымал әрі құрметті болуына дәл осы сіздердің еңбектеріңіз, күш-қуаттарыңыз бен ұсақ-түйекке дейін мән берулеріңіз себеп болды. Бұл – бәріміздің ортақ жеңісіміз, және ол – толықтай лайықты», – деді Freedom QJ League атқарушы директоры Александр Орлов.

Айта кетейік, бұған дейін Лига Metaratings Top Awards нұсқасы бойынша қатарынан екінші рет «Жылдың үздік спорттық ұйымы» атанған болатын. Сондай-ақ, Тимур Турлов «Жылдың үздік спорттық менеджері» атағын иеленді. Сонымен қатар, «Үздік спорттық маркетинг» аталымында да жеңіске жетті.

Күзде іске қосылған FF Manager цифрлық платформасы Tagline Awards digital премиясында 11 номинацияда жеңіске жетіп, Workspace Digital Awards аясында «Сайттар» аталымында лауреат атанды.