Fantasy QJ League: Ернар Парда – 16-турдың басты қаһарманы

Турдың жеңімпазы Azazat98 атанды.



Басты сәттілік – «Астана» футболшысы Амандық Хамидуллинді ростердің вице-капитаны етіп тағайындау болды. Капитан («Қайраттан» Дәулет Орынбасар) турды өткізіп алғандықтан, елордалық жартылай қорғаушы жинаған 11 ұпай екі еселенді.

Одан да жоғары нәтиже – 13 ұпайды – «Қайсар» жартылай қорғаушысы Ернар Парда көрсетті. Оның еншісінде – «Каспийге» қарсы жеңісті ойындағы екі гол және 11 сәтті дриблинг.

Дегенмен, жағымсыз жайт та болды: Парда алған ескертуі үшін бір ұпай айыппұл алды. Сары қағаздарының санына байланысты Ернар келесі турды өткізіп алады.

Сондай-ақ нәтижеге «Ақтөбе» жартылай қорғаушысы Аян Аманжұловтың (10 ұпай), «Қайрат» қорғаушылары Тарлан Ерболатов пен Мансұр Авасхановтың (9 ұпайдан), сондай-ақ «Каспий» ойыншысы Рамазан Амангелдиевтің (7) құрамға қосылуы үлкен үлес қосты.

Azazat98-ден бөлек, 87752121435 пайдаланушысы да 86 ұпай жинады – алайда маусым бойы жинаған жалпы ұпай саны бойынша қарсыласынан қалып қойды.



Бұл құрамның капитаны Ернар Парданың өзі болды – сәйкесінше, ұпайлардың екі еселенуін есепке алғанда, оның өнері 26 ұпай әкелді. Бір қызығы, сары қағаз үшін берілген айыппұл болмағанда, бұл көрсеткіш 28 ұпай болар еді – мұндай жағдайда 87752121435 турдың жеке-дара көшбасшысы атанар еді.

Ойыншының тағы бір сәтсіз шешімі Амандық Хамидуллинді қосалқы құрамға енгізу болды – ауыстыру жүзеге аспады, сондықтан «Астана» футболшысы жинаған 11 ұпай есепке алынған жоқ.

Маусымдағы көш басында Plescavica_Team (1142) тұр, екінші орында olegforwards (1137), ал үздік үштікті V26 (1122) түйіндейді.

Маусым жеңімпазы iPhone 17 алады, ал екінші және үшінші орын иелеріне тиісінше PlayStation 5 пен Apple Watch табысталады.

Бұған дейін жарысқа қатыспағандар да дәл қазір қосылып, апта сайын COPA.KZ ұсынатын сертификат үшін таласа алады. Сондай-ақ фэнтези-турнирдің Telegram-да жеке чаты бар – онда жаңадан қосылғандарға көмектесуге дайын 300-ден астам қатысушы бар.

Fantasy QJ League: құрамды жинап үлгеріңіз!