Лиганың ресми фэнтези-турнирінің 14-турының жеңімпазы 80 ұпай жинады – бұл ЖИ-модель есептеген құрамнан 13 ұпайға артық.
Еске салайық, Fantasy QJ League аясында әр ойын уик-энді қорытындысы бойынша үздік құрам жинаған қатысушы COPA.KZ ұсынған 20 000 теңгелік сертификатқа ие болады. Бұл жолы ең нәтижелі ростерді Bexultan жинады. Бұл – оның маусымдағы алғашқы жеңісі.
Bexultan-нан бөлек, Norman_AK та 80 ұпай жинады, алайда ол маусым бойы жиналған жалпы ұпай саны бойынша қарсыласынан қалып қойды.
Жеңімпаз ростеріндегі ұпайлардың басым бөлігін Дәулет Орынбасар әкелді. Ол «Ақтөбе» қақпасына хет-трик жасады. Расул Әкімов алаңға шықпағандықтан, ұпайды екі еселеу дәл Орынбасарға бұйырды – 14 орнына 28 ұпай.
Сонымен қатар шабуыл шебіне «Жас Қыран» форварды Алан Луканинді қосу сәтті шешім болды (9 ұпай, гол және нәтижелі пас). Сондай-ақ әрқайсысы 7 ұпайдан жинаған «Шахтер» ойыншылары – қорғаушылар Кирилл Сатжанов пен Мейірлан Балтабаев, сондай-ақ қақпашы Әлихан Шайзада да маңызды үлес қосты.
Жасанды интеллект 14-турға арнап таңдаған құрам уик-энд қорытындысы бойынша 62 ұпай жинады. Негізгі қателіктер қатарында Әкімов пен Әлихан Әбдінің алаңға шықпауы, сондай-ақ «Ертіс» қорғаушысы Тимур Титаренконың екі сары қағаз алуы бар.
Маусымдық кестеде Plescavica_Team (1017) көш бастап тұр, екінші орында olegforwards (1010), ал үздік үштікті V26 (995) түйіндейді.
Маусым жеңімпазы iPhone 17 иеленеді, ал екінші және үшінші орын алған қатысушыларға тиісінше PlayStation 5 пен Apple Watch табысталады.
Бұған дейін жарысқа қатыспағандар да дәл қазір қосылып, апта сайын COPA.KZ сертификаты үшін таласа алады. Сонымен қатар фэнтези-турнирдің Telegram-дағы жеке чаты бар – онда жаңадан қосылған қатысушыларға көмектесуге дайын 300-ден астам адам бар.
Fantasy QJ League: құрамды жинап үлгеріңіз!
