Fantasy QJ League: ЖИ 15-турға оңтайлы құрам ұсынды

Fantasy QJ League-де әр ойын аптасының қорытындысы бойынша ең үздік құрамды жинаған қатысушы COPA.KZ дүкенінен 20 000 теңгелік сертификат алады. Сондықтан бұған дейін жарысқа қатыспағандар да дәл қазір қосылып, апта сайын жүлде үшін таласа алады.

Таңдау жасауға қиналып жүргендерге алдағы 15-турға ЖИ құрастырған құрамға назар аударуды ұсынамыз. Жүйе ойыншыларды күнтізбе, алдыңғы турлардағы статистикалық көрсеткіштер және 100 Freedom-Coins бюджеті негізінде таңдады.

Қақпашы: Эмирхан Курбанов («Ордабасы», 5.5).

Қорғаушылар: Жанибек Жайлаубек (вице-капитан, «Шахтер», 6.5), Мансур Авасханов («Қайрат», 6.5), Мади Мұқашев («Қайрат», 6.5), Кирилл Сатжанов («Шахтер», 6.0), Ғалымжан Оразалиев («Тараз», 5.0).

Жартылай қорғаушылар: Расул Акимов (капитан, «Шахтер», 10.0), Расул Нұрманбай («Тараз», 7.0), Ернар Парда («Қайсар», 6.5).

Шабуылшылар: Дәулет Орынбасар («Қайрат», 11.0), Әділбек Тұрдах («Ордабасы», 9.0).

Қосалқы ойыншылар: Рамазан Амангельдыев (ЖҚ, «Каспий», 5.0), Мади Женісұлы (ШБ, «Қайсар», 5.5), Аят Мирамов (ЖҚ, «Тобыл», 5.5), Диас Ундаш (ҚҚ, «Тараз», 4.5).

Негіздеме: «Құрамның негізін турнир кестесінің жоғарғы бөлігіндегі командалардың өз алаңындағы үш матчы құрайды. «Шахтер» «Ақтөбені» қабылдайды: қарағандылықтардың үйдегі доп айырмасы – 23:1, ал қарсылас сырт алаңда бір ойынға орта есеппен 2.7 гол жіберіп жүр.

«Қайрат» сырт алаңдағы матчтарда лигада ең аз гол соғып жүрген «Тобылмен» кездеседі. Ал «Ордабасы» чемпионаттағы ең осал қорғаныстардың біріне ие «Қайсармен» ойнайды.

Капитан ретінде маусымдағы фэнтези-ұпай саны бойынша көш бастап тұрған Расул Акимов («Шахтер») таңдалды. Вице-капитан – осы маусымда бірде-бір турды өткізіп алмаған Жанибек Жайлаубек».

Еске саламыз: ЖИ қателесуі мүмкін, ал кез келген матч сенсациямен аяқталуы ықтимал. Сондықтан өз талдауыңызды жүргізіп, қажет деп тапсаңыз, жүлде үшін күресте басымдық алу мақсатында құрамға өзгерістер енгізуді ұсынамыз.

МАҢЫЗДЫ: Ойыншыларды таңдағаннан кейін құрамды сақтауды ұмытпаңыз! Ауыстыру санына шектеу жоқ – турлар арасында ойыншыларды еркін алмастыруға болады.

Маусым жеңімпазы iPhone 17, екінші орын иегері PlayStation 5, ал үшінші орын алған қатысушы Apple Watch алады.

Фэнтези-турнирдің Telegram-да 300-ден астам қатысушысы бар жеке чаты да жұмыс істейді. Онда тәжірибелі ойыншылар жаңадан қосылғандарға көмектесуге дайын. Қосылып, ұзақ әрі қызықты маусымның бір бөлігі болыңыз!

Fantasy QJ League: құрамды жинап үлгеріңіз!