Ербол Мырзабосынов: «Freedom QJ League балалар футболын дамыту үшін жан-жақты жағдай жасады»

– Екі жыл бұрын QJ League құрылуына арналған баспасөз мәслихаты менің Спорт және дене шынықтыру істері комитетінің төрағасы қызметіне тағайындалғаннан кейін қатысқан алғашқы іс-шарам болды. Сол кезде бұл жобаның мәні мен болашақтағы шығармашылық жұмыс көлемін бәрі бірдей түсіне қойған жоқ. Ал бүгінде бұл лига жүйелі, кешенді дамуға бағытталған тәсіл қалыптастыра алды, бұл — қазақстандық спортта жиі жетіспейтін нәрсе.

Қазіргі таңда Freedom QJ League балалар футболын дамыту үшін жан-жақты жағдай жасады. Мұнда тек жарыстар өткізіліп қана қоймай, дайындық әдістемелері жасалып, жаттықтырушылардың біліктілігін арттыруға көмектесіп, ғылыми тәсілдер мен цифрлық технологиялар, мысалы, жасанды интеллектпен жабдықталған камералар енгізілуде — мұның бәрі балалар футболының дамуына зор үлес қосуда. Қысқа уақыт ішінде осындай үлгі, тіпті франшиза деуге болатын жүйе құрылды, оның аясында қазірдің өзінде балаларды даярлауға мүмкіндік бар екеніне таң қалдым.

Мемлекет басшысы Қасым-Жомарт Кемелұлы Тоқаев Ұлттық құрылтай аясында кәсіби футболды дамытудың маңыздылығын және оны қаржыландыру тек мемлекет тарапынан емес, сонымен қатар клубтар да балалар мен жасөспірімдер спортына, бұқаралық спортқа басымдық беруі тиіс екенін атап өтті. Спортшылардың дамуы үшін жеке инвестициялардың да маңызы зор.