Лиганың жаңа маусымының басталуы, соның ішінде U-15 командалары арасындағы турнирдің іске қосылуы жаңа рекордтардың, әсіресе жас ерекшелігі бойынша көрсеткіштердің жаңаруына жол ашпақ. Лига А-ға тіркелген ойыншылардың ішінде биылғы ең жас футболшылар кімдер екенін талдап көрейік.
Флагмандық турнир
U-18 турнирінің маусымдық өтінімінде 2011 жылы туған тоғыз ойыншы бар. Оның сегізі – ҚФФ академиясының өкілдері: Зейнулла Абибулла, Фаиль Зульяров, Жансейіт Абужүсіп, Мансур Ақылбек, Жәңгір Серік, Динур Қабыл, Нұрдәулет Естуре және Кирилл Самуков. Сонымен қатар «Каспий» шабуылшысы Сержан Джанмурад та тізімде бар.
Аталған ойыншылардың ешқайсысы флагмандық турнирдің алғашқы матчтарында алаңға шыққан жоқ – дегенмен маусым енді ғана басталды. Айта кету керек, олардың кейбірі алғашқы турда U-17 командалары сапында ойнады.
Freedom QJ League U-17
U-17 турниріне тіркелген командалар құрамында 2011 жылы туған 34 футболшы бар, олардың көпшілігі алғашқы турда ойын уақытына ие болды. Алайда әзірге ешқайсысы нәтижелі әрекеттерімен көзге түсе қойған жоқ.
Freedom QJ League U-16
U-16 турнирінің құрамдарында 2012 жылы туған 25 футболшы бар. Олардың басым бөлігі – қазақстандық «Атлетико» академиясының тәрбиеленушілері.
Испан франшизасының үш ойыншысы өз голдарының есебін ашып үлгерді. «Жас Қыранға» қарсы ойында жеңісті Жаннұр Қыдырбек, Расул Самаев және Мирон Ищенко қамтамасыз етті. Ищенко екі нәтижелі әрекет жасап, оның ішінде Самаевқа нәтижелі пас берді.
Freedom QJ League U-15
Лига тарихындағы алғашқы U-15 турниріне тіркелген ең жас футболшы – 2014 жылдың ақпанында туған «Атлетико» қақпашысы Мансур Әзімхан.
12 жастағы ойыншы алғашқы турда «Жас Қыранға» қарсы матчта негізгі құрамда шығып, дебют жасады. Мансур 4-минутта гол жіберіп алып, 12-минутта ауыстырылды.
Сондай-ақ турнир құрамдарында 2013 жылы туған 22 футболшы бар. Олардың басым көпшілігі – «Атлетико» академиясының ойыншылары. Тек бір ерекшелік бар – «Ордабасы» клубының 12 жастағы қақпашысы Ерболат Жарылқасын.
.webp)
(0).webp){kind=logo}
.webp){kind=logo}
