Фитнес-деректерді жинау жалғасуда: ССБ сарапшылары оңтүстік өңірлерде

Еске сала кетейік, осы маусымнан бастап жеке фитнес-деректерді жинау және талдау ССБ қызметінің негізгі басым бағыттарының біріне айналды.

Бөлім өкілдері OVR Performance жабдығының көмегімен ойыншылардың жеке физикалық көрсеткіштерін өлшеуде. Жүгіру, плиометриялық және техникалық тесттер жыл бойы бірнеше рет өткізіліп, көрсеткіштерді динамикада бағалауға және салыстыруға мүмкіндік береді.

Осы аптада ССБ сарапшылары оңтүстік өңірлердегі «Тараз» және «Оңтүстік» командаларының ойыншыларын тестілеуден өткізуде. «Ордабасы» футболшылары бұл сынақтан бұған дейін өткен.

OVR Performance датчиктерінен бөлек, Лига сарапшылары биыл ойыншылар туралы деректерді басқа да құрылғылар арқылы жинауды жоспарлап отыр — мысалы, «ақылды» камералар мен GPS-трекерлер көмегімен. Бөлімнің өңірлік инспекторлары жаттығу қарқындылығын тұрақты түрде бақылап, командалардың бапкерлер штабына ұсынымдар әзірлейді.

Жиналған деректер негізінде әрбір ойын амплуасы бойынша модельдік сипаттамалар қалыптастырылып, бапкерлерге арналған нақты ұсыныстар әзірленеді.