Қазақстан ұлттық құрамасының бас бапкері Талғат Байсуфинов алдағы FIFA Series 2026 турнирінің матчтарына дайындыққа шақырылған ойыншылардың кеңейтілген тізімін жариялады.
Құрамға бұған дейін Freedom QJ League жарысында өнер көрсеткен екі футболшы – «Қайраттың» шабуылшылары Дастан Сатпаев пен Рамазан Бағдат енгізілді. Ұлттық құрамаға шақырту алған ойыншылардың толық тізімі сілтеме арқылы қолжетімді.
Сатпаевтың ұлттық құрама сапында қазірдің өзінде 6 матчы бар (оның ішінде Бельгия қақпасына соққан голы да бар), ал Бағдат үшін бұл – ересектер құрамасына алғашқы шақырту.
Еске сала кетейік, Дастан мен Рамазан 2023–2024 жылдары Freedom QJ League жарысында «Қайрат» сапында ойнап, лиганың флагмандық турнирінде екі мәрте алтын медаль жеңіп алған.
FIFA Series 2026 турнирінің ойындары 25–28 наурыз күндері «Астана Аренада» өтеді және «төрттік финал» форматында ұйымдастырылады. Қазақстан құрамасы екі матч өткізеді: алдымен Комор аралдары құрамасымен кездеседі, ал кейін Кувейт немесе Намибия құрамаларының бірімен ойнайды.
.webp)
.webp)
.webp)
(0).webp){kind=logo}
.webp)
.webp){kind=logo}
