Кейінге қалдырылған матчтар: Freedom QJ League 15-турына шолу

«Ақтөбе» – «Ордабасы»: айырмашылық қысқара ма?

«Қызыл-ақтар» турнирлік кестеде шымкенттік қарсыласымен қатар тұр, бірақ нюанстар бар. Бір жағынан, «Ордабасының» қарсыластан төрт ұпайлық басымдығы бар, екінші жағынан – батыс клубының «Тобылмен» өткізілмеген матчы бар. Сондықтан бұл кездесудегі оң нәтиже екі команда үшін де маңызды болмақ.

«Қайсар» – «Ертіс»: «қасқырлар» қонақтарды қапияда қаладыра ала ма?

Павлодар командасы жүлдеге үміткерлігін жалғастыруда, бірақ алда – қауіпті қарсылас. Алматыда «Жас Қыраннан» күтпеген жеңіліс таппас бұрын, қызылордалықтар төрт ойын қатарынан тең түсті. Сонымен қатар, соңғы жеңісті – «Ақтөбені» – «Қайсар» өз алаңында алған. Соңғы бес матчында тек бір жеңісі бар «Ертіске» Ғани Мұратбаев атындағы стадионнан үш ұпай әкету үшін барын салуға тура келеді.

«Тараз» – «Тобыл»: сәтсіз серияны біреу тоқтата ма?

Екі қарсылас та турға бірқатар сәтсіз нәтижелермен келіп отыр – оңтүстіктер алты ойын қатарынан жеңіске жете алмай жүрсе, қостанайлықтардың да бес матчтық жеңіссіз сериясы бар. Кестеде соңғы орында тұрған «Тобылдың» екі матчы қорда, сондықтан жағдайын айтарлықтай жақсарта алады, бірақ ол үшін жеңісті қазір бастау қажет. Ал «Тараз» болса «Ақтөбеден» қалып қойған айырмашылықты қысқартуға тырысады – «Тобылды» жеңбейінше бұл қиынға соғады.

«Атырау» – «Жас Қыран»: «тұйық аттың» қонақта

«Мұнайшылар» осы уақытқа дейін өткізген матчтарының жартысында жеңілді. Соған қарамастан, олар бірнеше рет алғашқы алтылықтағы командаларды қапияда қалдырды, соның ішінде осы турдағы қарсыластарын да – естеріңізге сала кетсек, оңтүстік астанадағы ойын 2:2 есебімен аяқталған. Сондықтан «Жас Қыранға» бұл жолы оңай соқпайды. Дегенмен «Атыраумен» ұпай жоғалту – бір ойыны қордағы турнир кестесінде екінші орында тұрған алматылықтардың артықшылығын едәуір азайтады.

«Қайрат» – «Шахтер»: турдың орталық матчы

«Жас Қыранның» орнына таласып жүрген үшінші орында тұрған кеншілерді маңызды сынақ күтіп тұр. «Қайратпен» матчта көпшілік «сары-қаралар» еріксіз түрде өз көршілеріне көмектеседі деп күтеді. Карағандылықтардың жағдайын негізгі ойыншылардың бірі – Найман Сатеновтің жарақаты қиындатады. Дегенмен алаңда кез келген жағдай орын алуы мүмкін, ал «Шахтер» сөзсіз таңқалдыра алады.

«Каспий» – «Астана»: амбицияны тексеру

Егер астаналықтар жүлде үшін жарыста қалғысы келсе, енді қателесуге болмайды. Бірақ алда – Ақтаудағы ауыр сапар. Маусымның басты аутсайдері соңғы кезеңде мықты ойын көрсетіп жүр. Соңғы үш турда «Қаспиймен» ұпай бөлісуге «Қайрат», «Қайсар» және тағы да «Қаспийдің» өзі мәжбүр болды – жігіттер таңқалдыруды жалғастыра ма?