Freedom QJ League маусымының үздік жартылай қорғаушысына табысталатын Антон Шох атындағы сыйлықтың иегері белгілі болды.
2026 жылғы маусым қорытындысы бойынша бұл жеке марапат «Шахтер» жартылай қорғаушысы Расул Акимовқа бұйырды. Ол сыйлықты жыл сайынғы QJL Awards марапаттау рәсімінде алды.
Расул 15 матчта 13 гол соғып, 4 нәтижелі пас берді. Ол соғылған голдар саны бойынша турнирдің үздік жартылай қорғаушысы атанды. Сонымен қатар 42 соққыдан 13 гол соққан Акимов кемінде 30 соққы жасаған ойыншылар арасында ең жоғары нәтижелілік көрсеткішіне қол жеткізді. Бұған қоса, ол турнирде ең көп бұрыштама добын орындады – 73 рет. Оның үлесі «Шахтердің» флагмандық турнир тарихында алғаш рет күміс жүлдеге қол жеткізуіне көмектесті.
Еске сала кетейік, 2023 жылы Антон Шох атындағы сыйлықты Олжас Байбек («Қайрат»), 2024 жылы Роман Асылбаев («Шахтер»), ал былтыр Даниял Назаров («Астана») иеленген. Осылайша «кеншілер» бұл марапатты соңғы үш жылда екінші рет жеңіп алды.
