Маусым қорытындысы бойынша Лига табыстайтын жеке марапаттармен таныстыруды жалғастырамыз.
Еске салайық, әр марапат Қазақстан футболының танымал тұлғаларының құрметіне аталған. Маусымның үздік шабуылшысына берілетін сыйлық Эдуард Сонның есімімен аталады.
Эдуард Сон – Қазақстан футболының ардагері. Футболмен Қарағандының «Шахтер» клубының даярлық тобында Серік Бердалиннің жетекшілігімен айналыса бастады. 1980 жылы «Қайратқа» шақырылды. Алғашқы үш маусымда қосалқы құрамда ойнады, ал 1983-1985 жылдары негізгі құрам сапында өнер көрсетті: 31 матч өткізіп, екі гол соқты.
1987 жылы «Днепрге» ауысты. Команда сапында төрт маусым өткізіп, КСРО чемпионы және КСРО Кубогының иегері атанды, еурокубоктарда ойнады. 1991 жылы Францияға аттанып, онда «Газелек» және «Перпиньян» клубтарында өнер көрсетті. 1980-1985 жылдары КСРО-ның жасөспірімдер және жастар құрамалары сапында ойнады.
Эдуард Сон атындағы сыйлықтың жылдар бойынша иегерлері:
2023 жыл – Рамазан Бағдат («Қайрат»);
2024 жыл – Нұрдәулет Орынбасар («Тараз»);
2025 жыл – Абылай Төлеухан («Қайрат»).
.webp)
(0).webp)