Мирас Нұрланов – Freedom QJ League U16 үздік жартылай қорғаушысы!

Ол маусым барысында 22 матч өткізіп, 7 гол соқты және 5 нәтижелі пас берді. Қарсыластар қақпасына жалпы 37 соққы бағыттап, оның 14-і дәл тиді. Сонымен қатар, Мирастың еншісінде 475 пастың 338-і дәл болған (71%), 121 допты тартып алу және іріктеу, сондай-ақ 46 рет допты тартып алды.

Freedom Bank серіктестігі аясында Лиганың барлық турнирлерінде «ең пайдалы ойыншы», «үздік қақпашы», «үздік қорғаушы», «үздік жартылай қорғаушы» және «үздік шабуылшы» номинацияларының жеңімпаздары 200 000 теңгеден алады.

«Ең алдымен алғыс білдіргім келеді. Бұл маған әрі қарай жұмыс істеуге үлкен мотивация берді.

Маусым нәтижелі өтті – эмоция мен тәжірибеге толы кезең болды. Енді осы жетістікті нығайтып, жаңа мақсаттарға қол жеткізгім келеді. Ең есте қалған сәт – «Қайсарға» қарсы матч.

Жүлде қаражатына алдымен бутсы аламын, қалғанын ата-анамa беремін.

Жас жігіттерге сәттілік тілеймін. Әр мүмкіндікті жауапкершілікпен қабылдап, қорықпай, өздеріне сенсін. Еңбек етсе, Лигада жарқырап шығатыны сөзсіз», – деді ол сұхбатында.