Лига делегациясы Атырауға барды

Ұйымдастыру және жарыстарды өткізу бөлімінің жетекшісі Қуандық Ермекбаев бастаған делегация клубтың инфрақұрылымын аралап, футбол орталығының алдағы маусымға дайындығын бағалады, сондай-ақ бірқатар жұмыс кездесулерін өткізді.

Сапар аясында Лига өкілдері 2026 жылы QJ League аясындағы үй матчтарын өткізу үшін клуб тарапынан қарастырылып отырған «Судоремонтник» стадионын (Атырау қаласы, Балықшы кенті) және Томарлы ауылындағы стадионды аралап көрді. Қазіргі таңда екі нысан да Лиганың талаптары мен ҚФФ-ның лицензиялау ережелеріне толық сәйкес келмейді. Осыған байланысты стадиондарда қысқа мерзім ішінде ауқымды жөндеу және жаңғырту жұмыстары жүргізілуі тиіс.

Өткен маусым қорытындысы бойынша «Атырау» тәрбиеленушілері флагмандық турнирде 11-орын алды, сондай-ақ U-17 және U-16 чемпионаттарында сәйкесінше 7 және 8-орындарға ие болды. «Мұнайшылардың» медиа-қызметі өз жұмысы үшін Диас Омаров атындағы сыйлықты иеленді.