Freedom QJ League маусымының үздік бапкеріне табысталатын Георгий Хутиди атындағы сыйлықтың иегері белгілі болды.
2026 жылғы маусым қорытындысы бойынша бұл жеке марапат «Тобыл» U-15 командасының бас бапкері Игорь Бугаевқа бұйырды. Ол сыйлықты жыл сайынғы QJL Awards марапаттау рәсімінде алды.
Қостанайлық жас футболшылар жарқын шабуылдағы ойынының арқасында U-15 турнирінің күміс жүлдегері атанды: 74 гол соқты – бұл «Қайраттан» кейінгі турнирдегі екінші үздік көрсеткіш. «Тобыл» бүкіл маусым бойы алғашқы екі орыннан түскен жоқ: бірінші турдан кейін турнир кестесінде көш бастаса, екінші турдан бастап маусым соңына дейін екінші орында тұрды.
Игорь Бугаев – Қостанай футболы үшін айтулы тұлға. 2012–2015 жылдары ол «Тобыл» сапында 100-ден астам матч өткізіп, 25 гол соқты. Ал Молдова құрамасында он жылдан астам уақыт өнер көрсетіп, ұлттық команданың үздік сұрмергендерінің қатарына енді.
Еске сала кетейік, 2023 жылы Георгий Хутиди атындағы сыйлықты Максим Габунов («Ақтөбе»), 2024 жылы Русланжан Раимбакиев («Қайрат»), ал былтыр Игорь Солошенко («Шахтер» U-17) иеленген.
