Flagman – Freedom QJ League білім беру серіктесі

Ынтымақтастық жоспарына бірқатар бірлескен бастамалар кіреді. Атап айтқанда, серіктес арнайы тестілеуде үздік нәтиже көрсеткен Лига ойыншыларына үш тегін грант ұсынбақ.

Сонымен қатар, «Болашақ ойыншысы» жобасының отыз қатысушысы QJ Talents арнайы бағдарламасы бойынша ағылшын тілін қашықтан тегін оқуға мүмкіндік алады.

Келісім аясында сондай-ақ «Спорттық менеджмент» пәні бойынша мамандандырылған сыныптар ашу, сондай-ақ бес қатысушыға кәсіби бағдар беру және жоғары оқу орнына түсуге қолдау көрсету қарастырылған.

Freedom QJ League пен Flagman арасындағы бұл білім беру серіктестігі жас футболшыларға тек алаңда ғана емес, одан тыс жерлерде де даму мүмкіндігін ашады.

– Көптеген қазақстандық ойыншылар, оның ішінде жастар да, шетелдік чемпионаттарда өнер көрсетуге ұмтылады. Бұл – үлкен сын, және жат ортаға бейімделуде тілді меңгеру аса маңызды. Сондықтан бұл серіктестіктің мәні зор, – деді Лиганың атқарушы директоры Александр Орлов.

– Біз Freedom QJ League-мен тек осы бағыттар бойынша ғана емес, басқа да салаларда серіктестік орнатуға қуаныштымыз. Ең бастысы – балалар үшін нәтиже, – деп атап өтті Flagman компаниясының бас директоры Мәдина Момынқұлова.