Лиганың ресми фэнтези-турнирінің 15-турының жеңімпазы 75 ұпай жинады — бұл ЖИ-модель есептеген құрамнан 8 ұпайға көп.
Еске сала кетейік, Fantasy QJ League-де әр ойын уик-эндінің қорытындысы бойынша үздік құрам иелері COPA.KZ ұсынған 20 000 теңгелік сертификатқа ие болады. 15-турдағы ең сәтті ростерді 023 пайдаланушысы жинады – ол 75 ұпай еншіледі.
Жеңімпазға ең көп ұпайды вице-капитан болып тағайындалған Роман Черноморец пен екі гол соққан Адилбек Турдах әкелді – екеуі де 10 ұпайдан жинады. Марлен Амренов тағы 9 ұпай еншілесе, Жанибек Жайлаубек, Мансур Авасханов және Амандық Хамидуллин 8 ұпайдан жинады.
Бұл ретте капитан Расул Акимов пен қорғаушы Салим Минжулин алаңға шыққан жоқ. Қосалқы құрам жоғалтқан ұпайлардың орнын толтыруға көмектесті: Мәди Жеңісұлы 6 ұпай, ал Алихан Қобылан 2 ұпай жинады.
Жасанды интеллект таңдаған құрам уик-энд қорытындысы бойынша 67 ұпай жинады – бұл тур кестесіндегі екінші орын. ЖИ құрамында капитан Акимов, Кирилл Сатжанов және қақпашы Эмирхан Курбанов алаңға шыққан жоқ, алайда алмастырулар 16 ұпай әкелді: Рамазан Амангелдиев 7, Жеңісұлы 6, қақпашы Диас Ундаш 3 ұпай жинады.
ЖИ ұсынған ростердегі ең нәтижелі ойыншылар Жайлаубек (вице-капитан, 16), Турдах (10), Ғалымжан Оразалиев (9) және Авасханов (8) болды.
Маусымдағы көшбасшылықты Plescavica_Team (1073) сақтап тұр, екінші орында olegforwards (1057), ал жүлделі үштікті V26 (1053) түйіндейді.
Маусым жеңімпазы iPhone 17 алады, ал екінші және үшінші орын иелеріне тиісінше PlayStation 5 және Apple Watch табысталады.
Бұған дейін жарысқа қатыспағандар да дәл қазір қосылып, апта сайын COPA.KZ сертификаты үшін таласа алады. Сондай-ақ фэнтези-турнирдің Telegram-да өз чаты бар – онда жаңадан қосылғандарға көмектесуге дайын 300-ден астам қатысушы бар.
Fantasy QJ League: құрамды жинап үлгеріңіз!
