Changan MVP of the Season: Глеб Макридов Мадридке аттанады!

Бір апталық жиын наурыз айында өтеді. Бұл жиын Лига ойыншыларын халықаралық деңгейде дамыту бағдарламасы аясында ұйымдастырылады. Бағдарлама Қазақстандағы Changan брендінің ресми дистрибьюторы — Astana Motors құрамына кіретін Changan Kazakhstan компаниясымен бірлесіп жүзеге асырылады.

Еске сала кетейік, өткен маусымда Макридов «Шахтер» сапында Freedom QJ League турнирінде 19 матчта 19 гол соғып, 10 нәтижелі пас берді. Осындай жарқын көрсеткішінің арқасында Глеб Лиганың флагмандық турнирі тарихындағы ең көп ойын минутын (4 502) және ең көп нәтижелі әрекетті (39) тіркеп, тарихи рекорд орнатты. Соңғы көрсеткіш бойынша ол «Қайраттың» ойыншысы Дастан Сатпаевтан озып кетті.

Қазіргі таңда ол «кеншілердің» негізгі құрамымен бірге Түркияда оқу-жаттығу жиынын өткізуде.

«Өте бақыттымын әрі Changan MVP of the Season атану мен үшін үлкен мақтаныш. Шетелдегі ірі клубта оқу-жаттығу жиынынан өту мүмкіндігін ұсынғаны үшін Freedom QJ League, Changan Kazakhstan және Astana Motors компанияларына алғысымды білдіремін.

Футболдың жаңа деңгейін, жоғары талаптар мен мүлде басқа ортаны асыға күтемін. Көп нәрсе үйреніп, әрі қарай өсуге дайын екенімді дәлелдегім келеді.

Жиын барысында берілетін мүмкіндікті толық пайдаланып, кәсіби деңгейге қарай нық қадам жасауды жоспарлап отырмын», — Глеб атап өтті..