Лигада өнер көрсеткен 27 футболшы – Қазақстан U-17 құрамасында!

Қақпашылар: Никита Килджиев, Алихан Шайзада (екеуі де – «Шахтер»), Батырхан Серикбай («Жас Қыран»), Камиль Гайнуллин («Қайрат»);

Қорғаушылар: Жәнібек Жайлаубек, Данил Золкин, Мейірлан Балтабаев (барлығы – «Шахтер»), Ислам Рақым, Марлен Әміренов, Мансур Авасханов, Алфир Ханафи, Абди Алихан (барлығы – «Қайрат»), Дінмұхаммед Дайрабай («Жас Қыран»), Нұралы Азатқазы (клубсыз);

Жартылай қорғаушылар: Алихан Жұмабек, Дамир Юсупбеков (екеуі де – «Қайрат»), Ринат Бейбитов, Акбар Саденов (екеуі де – «Ақтөбе»), Шарипхан Шарипжан (клубсыз);

Шабуылшылар: Ануар Төленді (ҚФФ академиясы), Рустам Сайфимилюков, Дигдар Омаров, Расул Акимов (барлығы – «Шахтер»), Абылай Жылқайдар, Роман Черноморец, Даулет Орынбасар (барлығы – «Қайрат»), Расул Досан («Атырау»), Манзум Жоламан («Каспий»), Ибрахим Бауыржан («Ақтөбе»).

Бапкерлер штабы: Бауыржан Сағындық – аға жаттықтырушы, Игорь Солошенко – аға жаттықтырушының ассистенті, Асхат Қусаинов – дене дайындығы жөніндегі жаттықтырушы, Валишер Рашид – қақпашылар жаттықтырушысы, Нұрсұлтан Болатбеков – дәрігер, Станислав Ведлер – массажист, Ануар Жандарбеков – менеджер, Шыңғыс Өмірбаев – кит-менеджер.

Құрамға енген футболшылардың басым бөлігі Freedom QJ League турнирлерінде өнер көрсету тәжірибесіне ие. Тек Нұралы Азатқазы мен Шарипхан Шарипжан ғана Лигада ойнамаған.

Қазақстан бір топқа Беларусь, Тәжікстан құрамаларымен және Минск қаласының командасымен түсті. Параллельді топта Беларусь U-16, Өзбекстан, Әзербайжан және Ресей құрамалары бақ сынайды.

Еске сала кетейік, бұған дейін Қазақстанның U-17 жасөспірімдер құрамасы Еуро-2026 іріктеуінің элиталық раундына жолдама алып, онда Чехия, Австрия және Дания құрамаларымен кездеседі.

Қаңтар айында команда аға жаттықтырушысы Бауыржан Сағындық Freedom QJ League спорттық-сараптамалық бөлімін басқарды. Бұған дейін ол Лигада сарапшы қызметін атқарған.