Freedom QJ League төртінші маусымының күнтізбесі сайтта жарияланды!

Алғашқы матчтар 18 сәуірде өтеді, ал чемпионаттың соңғы ойын күні 25 қазанға жоспарланған.

Күнтізбемен сайттың тиісті бөлімінен танысуға болады.

Жалпы барлық турнирлер аясында 674 матч өткізіліп, 66 командадан 1 980 ойыншы қатысады.

Флагман турнирдің алғашқы турындағы «Қайсар» мен «Тобыл» арасындағы матч Лига тарихындағы 1000-шы ойын болады. Осыған орай Қызылорда тұрғындары үшін біздің үздік Matchday дәстүрлерімізге сай ауқымды футбол мерекесі дайындалуда.

18 сәуірде «Қайсар Аренаға» келген қонақтарды конкурстар, түрлі ойын-сауық белсенділіктері және жарқын шоу-бағдарлама күтеді. Фестивальдің хедлайнерлері – танымал орындаушылар ARO және DARICORN.

Фестиваль Freedom QJ League серіктесі – Қазақстандағы Changan брендінің ресми дистрибьюторы, Astana Motors құрамына кіретін Changan Kazakhstan компаниясының қолдауымен өтеді.

Шоу-бағдарламаның басталуы – 12:30. Матчтың басталуы – 14:00. Билеттер Freedom Ticketon платформасында қолжетімді.