Дюсембаева мен Мақсаттың тамаша үйлесімі: «Шахтер» шабуылшыларының барлық голдары

Жас шабуылшылардың еншісінде жеті гол бар — бұл «Шахтердің» төрт турда соққан барлық голдарының жартысына жуығы. Оның бесеуін Дюсембаева соққан, әрі бұл голдардың барлығында оған пас берген — Мақсат.

Алматыда өтетін «Қайрат» пен «Шахтер» арасындағы кездесудің алдында осы жұптың барлық голдарын еске түсірейік.

«Ертіс» – «Шахтер» (5:1)

Саида Павлодардағы ауыр жеңілісте 64-минутта есепті қысқартты. Ол бұрыштамадан Мақсаттың пасын қабылдап, гол соқты.



«Шахтер» – «Тобыл» (6:2)

Бұл ойында Мақсат екі голдық пас бергенге дейін өзі де гол соқты. 55-минутта ол Саидаға доп жеткізді, ал Дюсембаева айып алаңынан тысқары жерден әдемі соққы жасап, гол авторы атанды.



«Ордабасы» – «Шахтер» (2:4)

29-минутта «Шахтер» 0:1 есебімен ұтылып жатқанда, Мақсат қорғаныс шебін бұзып өткен пас беріп, Саиданы қақпашымен жалғыз қалдырды. Дюсембаева мүмкіндікті қалт жібермей, камбэкті бастады.



Матчтағы соңғы голды 51-минутта Толғанай Амантайдың пасынан кейін Мақсат өзі соқты.

«Шахтер» – «Жетісу» (4:2)

Бұл кездесуде Дюсембаева 12-минутта бұрыштама шабуылы нәтижесінде есепті теңестірді. Аз уақыттан кейін Данагүл Ахметжан «Шахтерді» алға шығарды. Кейін талдықорғандықтар есепті қайта теңестірді.



Бірінші таймның соңына қарай Мақсат Саидаға жақсы пас беріп, Дюсембаева шабуылды сәтті аяқтап, командасына қайтадан басымдық сыйлады.



Айта кетейік, «Қайрат» пен «Шахтер» арасындағы матч бейсенбі күні сағат 10:00-де басталады. Бұл дуэт алаң иелерін тағы да қапаландыра ала ма — жуырда білетін боламыз.