ССБ жаңа жобасы: Аймақтық инспекторлар

Барлық қатысушы клубтарға жалпы аналитикалық және әдістемелік қолдау көрсетумен қатар, ССБ бірқатар өңірлерде пилоттық жобаны іске қосады. Оның аясында жергілікті командаларға жыл бойы нақты әрі жүйелі қолдау көрсетіледі.

Бағдарламаға енгізілген әрбір өңір үшін ССБ тарапынан жауапты сарапшы бекітіледі.

Қанат Мұсатаев – Шымкент.

Максим Шевченко – Алматы.

Евгений Яровенко – Қарағанды.

Филипп Богер – Астана.

Сонымен қатар, Жанна Мальгаждарова Лиганың әйелдер командалары бағыты бойынша Шымкент, Павлодар және Астана қалаларындағы футбол орталықтарын жеке қадағалайды.

«Аймақтық инспектор ретіндегі менің міндетім – болашағы бар ойыншыларды бақылап, олардың дамуына көмектесу.

17 жастан бастап көптеген ойыншыларды жоғалтып аламыз. Себебі олар жаттығу процесін, тамақтануды, демалысты және қалпына келуді қатар алып жүруі керек. Сондықтан, мысалы, «Қайрат» академиясы қажетті инфрақұрылымды дұрыс қалыптастырды – сол себепті дарынды ойыншылар сол жаққа барады.

Қазір басқа да академиялар бар. Мысалы, «Оңтүстік», «Атлетико», сондай-ақ «Шахтер» жекеменшікке берілді – бұл дамуға оң әсер етеді деп есептеймін.

Freedom QJ League пайда болғалы матчтарды көрсету деңгейі артты, сапалы трансляциялар бар. Турдың үздік голы сияқты жеке марапаттар енгізілді. Бұл өте маңызды. Жас футболшылар қай бағытта дамуы керек екенін және оларды болашақта не күтіп тұрғанын білуі тиіс», – деді Лига сарапшысы, 1994 жылғы Қазақстанның үздік футболшысы Қанат Мұсатаев.

6 сәуір күні Астанада Freedom Holding Corp. бас атқарушы директоры, Freedom QJ League Қамқоршылық кеңесінің төрағасы Тимур Турлов пен Лига президенті Рохус Шохтың қатысуымен дәстүрлі үлкен маусымалды баспасөз конференциясы өтеді. Төртінші маусымның алғашқы туры 18 сәуірде басталады.

QJL Talks жобасының алғашқы эпизоды – енді QJL Projects-та!