Жартылай қорғаушылар ғана емес: Fantasy QJ League 2025 көшбасшыларының қайсысы биыл да алаңда?

Абылай Төлеухан (жартылай қорғаушы, «Қайрат»)

Fantasy QJ League 2025 ұпайы: 150
Fantasy QJ League 2026 (2-турдан кейін): 24

Өткен жылы Абылай фэнтези-турнир көшбасшыларының арасында екінші орын алды — одан жоғары тек Глеб Макридов болды. Оның үстіне, Төлеухан QJ League аясында небәрі 14 матч өткізіп, қатарынан Бірінші лигада «Қайрат-Жастар» сапында да ойнады.

Қазір Төлеухан көш бастап тұр, дегенмен екінші тур ол үшін сәтсіз өтті — нәтижелі әрекетсіз қалды және сары қағаз үшін айып ұпай алды.

Нұрхан Қағазбаев (жартылай қорғаушы, «Шахтер»)

Fantasy QJ League 2025 ұпайы: 136
Fantasy QJ League 2026 (2-турдан кейін): 8

Алғашқы екі турдағы ұпай аз болғанына қарамастан, өткен маусымдағы жоғары көрсеткіштері Қағазбаевты фэнтези ойыншылары үшін перспективалы таңдау етеді.

Айта кету керек, «Шахтердің» бұл «джокері» биыл негізгі командаға жиі шақырылуда. Сондықтан ол Лигада күткеннен аз матч өткізуі мүмкін.

Дәулет Орынбасар (шабуылшы, «Қайрат»)

Fantasy QJ League 2025 ұпайы: 133
Fantasy QJ League 2026 (2-турдан кейін): 19

«Қайраттың» тағы бір көшбасшысы — әрі алдыңғы ойыншылардан айырмашылығы, 2009 жылы туған. Жаңа маусымды Дәулет өте сенімді бастады: бірінші турда дубль мен ассист, екінші турда гол.

Орынбасар биыл флагмандық турнирдің бірнеше рекордын жаңартуға талпынуы әбден мүмкін — бұл Fantasy QJ League-ға да тікелей әсер етеді.

Мирас Қуат (жартылай қорғаушы, «Шахтер»)

Fantasy QJ League 2025 ұпайы: 129
Fantasy QJ League 2026 (2-турдан кейін): 0

Әдемі голдардың авторы әрі өткен жылғы фэнтези көшбасшыларының бірі болған Қуат биыл «Шахтер» құрамында тіркелгенімен, әзірге алаңға шыққан жоқ. Бірақ маусым енді ғана басталды — жағдай әлі өзгеруі мүмкін.

Рамзес Рашидов (жартылай қорғаушы, «Жас Қыран»)

Fantasy QJ League 2025 ұпайы: 108
Fantasy QJ League 2026 (2-турдан кейін): 14

Фэнтези қатысушылары үшін тағы бір қызықты нұсқа — Рашидов. Ол бірінші турда 1+1 жүйесі бойынша нәтижелі ойнап, ал екінші матчта 63 минут ішінде 5 рет допты қайтарып алды.

Өткен жылғы тұрақты ойынын ескерсек, биыл да сенімді өнер күтуге болады.

Құдірет Ботабек (жартылай қорғаушы, «Ордабасы»)

Fantasy QJ League 2025 ұпайы: 100
Fantasy QJ League 2026 (2-турдан кейін): 4

Бұл маусымда Ботабек әзірге көп ұпай әкелмей жатыр. Алайда тұрақты ойын уақыты мен өткен жылғы статистикасы оның әлеуеті әлі толық ашылмағанын көрсетеді.

Сондай-ақ өткен маусым көшбасшылары қатарында болған Ален Пак («Шахтер») пен Руслан Рахметов («Ертіс») биылғы өтінімде бар. Бірақ клуб жүйесіндегі басқа командалардағы жүктемеге байланысты олардың тұрақты ойнауы екіталай.

Өткен жылдағыдай, әр ойын аптасының ең үздік құрамын жасаған қатысушылар Лиганың серіктесі COPA.KZ ұсынған 20 000 теңгелік сертификатқа ие болады. Маусым жеңімпазы iPhone 17 алады, ал екінші және үшінші орын иелеріне сәйкесінше PlayStation 5 пен Apple Watch табысталады.

Fantasy QJ League-ның Telegram-да жеке чаты бар — онда 250-ден астам қатысушы жаңадан қосылғандарға көмектесуге дайын. Қосылыңыз және ұзақ әрі тартысты маусымның бір бөлігіне айналыңыз!

Fantasy QJ League: өзіңіздің мінсіз құрамды жинап үлгеріңіз!