Лига өкілдері «Жеңіс» клубының басшылығымен кездесу өткізді

Жарыстарды ұйымдастыру және өткізу блогының жетекшісі Қуандық Ермекбаев, спорттық-сараптамалық бөлімнің сарапшысы Евгений Яровенко және PR-менеджер Адлет Талғатбек клуб басшылығымен кездесу өткізіп, алдағы маусымға дайындық деңгейін тексерді. Атап айтқанда, инфрақұрылым мен спорттық жабдықтардың лицензиялау талаптарына сәйкестігі қаралды.

Еске сала кетейік, «Жеңіс» өткен маусымда Лигада алғаш рет өнер көрсетіп, Freedom QJ League B турниріне қатысқан 10 клубтың бірі болды. Чемпионат қорытындысы бойынша елордалық ұжым бесінші орынға тұрақтады.