Freedom QJ League – MARSPO Awards жүлдесінің шорт-листінде!

2025 жылы бұл сыйлыққа бірнеше елден 1 600-ден астам жоба ұсынылған. Бұған дейінгі жылдары MARSPO Awards жүлдесіне UFC, «Зенит», Asics сынды ірі спорт брендтері қатысқан болатын.

Freedom QJ League келесі номинациялар бойынша жүлделі орындарға таласады:
– «Инновациялық технологияларды ең үздік қолдану»,
– «Маусымның ашылуы мен жабылуын үздік ұйымдастыру»,
– «Үздік тақырыптық матч»,
– «Әлеуметтік желілердегі үздік жұмыс»,
– «3 млн рубльге дейінгі бюджетпен үздік демеушілік активация»,
– «1 млн рубльге дейінгі бюджетпен үздік әлеуметтік жоба»,
– «Үздік арнайы жоба»,
– «Жас аудиториямен жұмыстағы үздік жоба».

Еске салайық, бұған дейін Лига қатарынан екінші жыл Metaratings Top Awards нұсқасы бойынша жылдың үздік спорт ұйымы деп танылды, ал Тимур Турлов жыл спорт менеджері атанды. Сонымен қатар, «Үздік спорттық маркетинг» номинациясында да жеңіске жетті.

Күзде іске қосылған цифрлық FF Manager платформасы Tagline Awards digital жүлдесінің 11 номинациясы бойынша жеңіске жетіп, өткен аптада Workspace Digital Awards жүлдесінің «Сайттар» номинациясында лауреат атанды. MARSPO Awards аясында бұл жоба «Инновациялық технологияларды ең үздік қолдану» санатында жеңіске үміткер.