Евгений Яровенко «Арман» турнирінен кейін: «Болашағы бар ойыншыларды көру қызықты»

Оған 2010 жылы туған футболшылар қатысты. Алдағы маусымда дәл осы жас санаты Freedom QJ League U-17 турнирінде бақ сынайды.

Турнир 22 ақпан мен 3 наурыз аралығында өтті. Оның форматы бойынша жүлделі орындар анықталған жоқ – басты назар жас футболшылардың дамуына, олардың жарыс тәжірибесін арттыруға және алдағы чемпионатқа сапалы дайындық жасауға аударылды.

Алда Лиганың жаңа маусымына қатысатын басқа жас санаттарына арналған осындай республикалық турнирлер өтеді: «Жастар» және «Дарын». Спорттық-сараптамалық бөлімнің сарапшылары маусымалды жарыстардың барысын мұқият бақылауда.

«Болашағы бар ойыншыларды көру, командалардың деңгейін бақылау қызықты. Мұның бәрі оқу-жаттығу процесінің бір бөлігі: бақылау матчтары, дайындық турнирлері. Әрине, алаңда тартыс бар – ешкім жеңілгісі келмейді.

Әр команданың өз көшбасшылары бар. Қазір біздің блок әлеуеті жоғары ойыншыларды анықтап жатыр. Шамамен 60 футболшыдан тұратын пул қалыптастырамыз: 30 ойыншы – негізгі тізімде, тағы 30 – резервте. Кейін олармен жүйелі түрде жұмыс істейміз.

Жақсы ойыншылар бар, бірақ алдын ала баға беруге асықпаймыз. Чемпионаттың алғашқы кезеңі қалай өтетінін көру керек, сол аралықта оларды мұқият бақылап отырамыз», – деді ССБ сарапшысы Евгений Яровенко.